Do Ajnabiyo Ki Kahani

Ek ladka or ek ladki anjaane mein anjaani raaston mein mil jaate hain.

Gair ho kar bhi ek duje ke liye wo apne se ban jaate hain.

Safar to bada lamba hai par chalna bhi zaroori hai.

Yeh soch kar wo dono ham safar ban jaate hain.

Apni-apni baatein wo ek duje se batate hain.

Raaste ki har mushkilein wo dono mil kar suljhatein hain.

Raaste mein unke kai musibatein to aati hain.

Par apni raah ki rukawatein wo dono mil kar door hatate hain.

Kuch waqt sath bitane par wo dono ek dusre ko smajhne lagte hain.

Par fir bhi wo dono apne dil ki baatein kehne se darte hain.

Raaste khatam ho jaate hain wo dono bichhad jaate hain.

Par jaate-jaate apne wo jazbaat bayaan kar jaate hain.

Dooriyaan aa jaati hain bhale hi unke darmiyaan.

Par waapas milne ka waada le jaate hain.

Fir wo din aata hai jab wo dono fir se rubaru hote hain.

Anajaan nahi iss baar wo apne ban kar milte hain.

Shaadi ke wo pyare se ek bandhan mein bandh jaate hain.

Umr bhar sath nibhane ki kashme khate hain.

Anjaani si raah mein mile wo anjaane ek jism do jaan ban jaate hain.

Jo sath milkar apni ek alag hi duniya basate hain.

Sadiyon Puraani Ek Daastaan Hai

Sadiyon puraani ek daastaan hai.

Agar aankhon se nikli kuch aks ki bunde.

To maano aankhon mein se tuta koi armaan hai.

Agar baton mein dikhe kai bikhre hue se sabd.

To samjho ye awaaz nahi khaamoshi ki zubaan hai.

Agar koi dost apni dosti bina kisi matlab ke nibhaye.

To usse bada rishta iss duniya mein kahaan hai.

Agar ek aashiq ko uski chahat mil jaaye.

To samjho wo khuda ki sabse bai dua hai.

Agar kisiko khushi mein bhi thoda dard mile.

To uske mohabbat ki intehaan hai.

Sadiyon puraani ek daastaan hai.

Asko Ki Kahani Khud Asko Ki Zubaani

Asko ki kahani khud asko ki zubaani.

Sabse anmol sabse purani asko ki kahani.

Main bund hoon ek chhoti si bhar rakha khud mein thoda paani.

Nadaan hoon main thodi si hoon thodi si sayani.

Asko ki kahani ye hai meri kahani.

Jab dil tumhara dukhta hai to aankh mein main bhar aati hoon.

Tumhare har dard ko saant main karwati hoon.

Jazbaat bhare hain kitne tum mein,

Ehsaas tumko ye dilate hoon.

Bund hoon main ek chhoti si aansu main kehlati hoon.

Tum mujhko sabse chhipate ho par main chhip na pati hoon.

Jab band kar lete ho aankhein tum,

Main kisi kone se beh jati hoon.

Gam ho tumhare andar ya ho koi khishi ka mausam.

Main sabko yaad aati hoon har halaat mein main beh jati hoon.

Boon hoon main ek chhoti si aansu main kehlati hoon.

Asko Ki To Apni Ek Alag Hi Duniya Basti Hai

Asko ki to apni ek alag hi duniya basti hai.

Jisme takleefe or khushiyaan sath sath rehti hain.

Asko ki to apni ek alag hi duniya basti hai.

Kuch dard or gam ka basera hai jisme.

Kuch suck or chain ka basera hai jisme.

Jahan tanhai ke sath khush haal zindagi bhi hoti hai.

Asko ki to apni ek alag hi duniya basti hai.

Yahan per asko ka hasna or rona sab ek tarah se hota hai.

Yahan per asko ka jagna or sona sab ek tarah se hota hai.

Asko ke liye to din or raat ek jaisi hi hoti hai.

Asko ki to apni ek alag hi duniya basti hai.

Inke liye kuch khona ho to wo bhi pani.

Inke liye kuch pana ho to wo bhi pani.

Asko ki apni sari duniya pani mein hi hoti hai.

Asko ki to apni ek alag hi duniya basti hai.

Inke roshini tab milti hai jab ham kabhi bhi rote hain.

Inki subha tab hoti hai jab aankhon se ye behte hain.

Warna inki to sari zindagi andhere mein kat jati hai.

Asko ki to apni ek alag hi duniya basti hai.

Asko Ki Her Baat Alag Si Lagti Hai

Asko ki her baat alag si lagti hai.

Iski to aankhon se mulakat alag si lagti hai.

Asko ki her baat alag si lagti hai.

Behti hui iski bunde kuch kehna chahti hain sayad,

In bundo ki to apni her darkaar alag si lagti hai.

Asko ki her baat alag si lagti hai.

Chupke-chupke se ye behti rehti hai.

Kitne gam ko khud mein thame rakhti hai.

Chubhti hongi isko bhi tanhaiyan iske nazro ki,

Lekin ye tanhaiyon mein bhi behti rehti hai.

Asko ki her baat alag si lagti hai.

Palko per aankhon ke ye hamesha ghumti rehti hai.

Ek mauka bas beh jane ka ye dhoondti rehti hai.

Ham rokna bhi chahe ager ise apne mann se,

Per ye to apne hi mann se behti hai or rukti hai.

Asko ki her baat alag si lagti hai.

Asko Ki Ye Kahani Ab Meri Jubani

Asko ki ye kahani.

Asko ki ye kahani ab meri jubani.

Asko ki ye kahani.

Na heer na ranjha, na koi raja na kisi rani ki kahani.

Ye to hai bas ek bund ki kahani.

Asko ki ye kahani.

Ek dastaan ye chhoti si bund ki hai.

Aankho se nikle ek ask ki hai.

Dil bher jane per aankho mein aa jata hai.

Ek waqt dekh ker aankho ke kisi kone se beh jata hai.

Dikhne mein chhote hain ye per inke maayine bade kehlate hain.

Bin bole jazbaato ko bayan kerwate ek bund bher ye pani.

Asko ki ye kahani.

Ye hain asko ki kahani.

Dard or khushi mein ye fark nahi kerte.

Darr jate hain insaan bhale hi,

Per kisi se kabhi ye ask nahi darte.

Chipa lete hain log inhe palko ko jhapkaker.

Ponch lete hain inko sab banaker koi bahana.

Per reh jati hai inki fir bhi aankhon mein nishani.

Asko ki ye kahani.

Ye hain asko ki kahani.

Sabke aankho mein ye aata hai chahe baccha ho ya budha.

Her dharm ke logo mein aata hai sikh ho ya ishai,

Hindu ho ya musalman.

Her umr ke logo mein aata hai budhapa ho ya jawani.

Asko ki ye kahani.

Ye hain asko ki kahani.

Kitne sare zakhmo ko apne aagosh mein bher lete hain ye ask.

Bade se bade gam ko ek choti si bund mein lapet lete hain ye ask.

Fir bhi ek awaaz tak nahi aati inme se,

Socho kitni taklifo ko apne ander samete rakhte hain ye ask.

Kitna dard bhare rakhti hai khud mein ye bund bher pani.

Asko ki ye kahani.

Ye thi asko ki kahani.

Sabse alag, sabse nirali or sabse purani.

Asko ki ye kahani.

Ye thi asko ki kahani.

 

Asko Ki Bhi Apni Ek Kahani Hoti Hai

Asko ki bhi apni ek kahani hoti hai.

Choti-choti bundo mein inko,

Dard bhari sari baate chipani hoti hai.

Gam ki sari baate inko,

Apne me hi dabani hoti hai.

Asko ki bhi apni ek kahani hoti hai.

Her inke nikalne ka karan samajh nahi sakta,

Thodi suljhi to thodi unsuljhi inki nishani hoti hai.

Asko ki bhi apni ek kahani hoti hai.

Kabhi-kabhi chah ker bhi rukna padta hai inhe,

To kabhi bin chahe inhe apni bunde bahani padti hain.

Asko ki bhi apni ek kahani hoti hai.

Kavitao Mein Kavita Ek Meri Kavita

Kavitao mein kavita ek meri kavita.

Her kavita se pyari hai meri kavita.

Her tarah ke ras hai meri iss kavita mein.

Her kisi ke dil ko chune wali hai meri kavita.

Padhi hogi tumne apne jivan mein kitni kavitaye,

Utni hi achhi hogi meri ye kavita.

Likh raha hoon ek dastaan mere kavita likhne ki.

Zara dhyan se padhiyega…

Likhne batha tha ek din main kavita.

Socha tha ki likhunga sabse achhi kavita.

Jo sabko pasand aayegi sabke dil ko bhayegi.

Aisi kavita likhunga jo her kisi ke samajh mein aayegi.

Sochta raha ki kin sabdo ko likhu main iss kavita mein,

Jo sabko bha jaye meri iss kavita mein.

Yahan wahan dekhta raha apne hantho ko malta raha,

Suruaat karu kaise iss kavita ki yahi bas sochta raha.

Iss kavita mein kisi dusre ke sabd ko laaun,

Ya iss kavita mein apne khud ke sabd banaun.

Likh dali main ek aisi kavita,

Jiss kavita ko padhte-padhte mere aansu nikal aaye.

Kyonki iss kavita ke bol mujhe khud samajh na aaye.

Aisi thi meri kavita ki.

Main ise tumhe padhne ko de bhi nahi sakta.

Kyonki main apni kavita padhne walo ko,

Rula nahi sakta.

Yahi thi meri kahani meri pehli kavita likhne ki.

Phir kosis na ki maine aisi kavita likhne ki.

Kavitao mein kavita ek meri kavita.

Sabse sunder sabse pyari thi meri kavita.