Main Jina Chahta Hoon

Main jina chahta hoon.

Un lamho ko jinko main ji na paya kabhi,

Un yaado mein jo meri ho na payi kabhi.

Main jina chahta hoon.

Un khwabo ke sahare jinke sapne dekhe the maine,

Un palo ke sath jinka intezaar kiya tha maine.

Main jina chahta hoon.

Main jina chahta hoon us waqt ke sath

jo kabhi mere liye na theher saka,

Main jina chahta hoon us waqt ke sath jo kabhi mera na ho saka.

Main jina chahta hoon.

Kisi aise ke saye mein jo meri khushiyon ki wajah ho.

Koi aisa jiska meri sanso per pehra ho.

Main jina chahta hoon.

Main jina chahta hoon ek hamsafar ke sath.

Ek hamsafar jiske sath bite zindagani apni,

Jiske sath bane her kahani apni.

Main jina chahta hoon.

Uske sath jo nibhaye umr bher sath mera.

Jiske sath ho mera her savera.

Main jina chahta hoon.