Mujh Se Pehle Mujh Mein Auqaat Teri Hai

Meri baaton mein milti har silwate teri hai.
Meri raate jisme gujre wo har karwate teri hai.
Jaane kaisa nashaa chhaya hai teri adaao ka mujh par.
Sab-o-roz mujh mein jhalakti har harkate teri hai.

Na ho raaho mein tera saath har mukaam adhure hain.
Teri ek haan bin mere armaan adhure hain.
Mujhe bad-hawashi mein dubane wali sirf karamaat teri hai.
Mere jivan mein khushiyon ki barsaat teri hai.

Main jiss aor chala jaaun mujhe tu dikhta hai.
Tu naraaz ho to mera ye dil dukhta hai.
Teri chahat bhul jaaun mujhe saugaat teri hai.
Mujh se pehle mujh mein auqaat teri hai.

 

 

Kisi Ki Chahat Ki Aag

Kisi ki chahat ki aag mere seene me kabse jal rahi thi,
Fir tu kyun aayi meri in dhadkano mein jab mere dil me lagi aag ko bujhana na tha.

Mere asko ko rokte rokte meri palke thak gayi thi,
Fir khud ko kyun basaya in aankhon mein jab in palko ki jagah khudko bithana na tha.

Meri raate to yun hi kat rahi thi karwato mein,
Fir tu kyun aayi mere khwabo mein jab khud ko meri yaado mein thehrana na tha.

Meri sanse to dheere dheere apne aap rook rahi thi,
Meri ye akeli zindagi haule haule mar rahi thi.
Fir tu kyun aayi meri zindagi mein jab mujhe jeene ka ehsaas fir se dilana na tha.

Cheekh cheekh kar keh rahi hai meri rooh ab mujhe.....

Koi hai jo ab meri jagah le chuka hai.
Ek baat tujhe sacchi batlaau main yaara.
Tere jism ko jiski rooh ka hai intezaar wo sayad ab kisi or ka ho chuka hai.

Apne jism ko ab tu iss mitti mein mil jaane de,
Kyunki aalam hai ab ye ki tera jism bekaar ho chuka hai.

Ab to tu khud ko mujhme badal jaane de,
Tera khud ko mitane ka waqt ho chuka hai

Khuda Hi Jaane Kya Rista Hai Uske

Main to yun hi apne har pal ko jeeye ja raha tha.
Par koi aaya jisne mujhe jeene ka maksad bata diya.
Bina kisi chahat ke har mukaam the mere,
Par kisi ne uss mukaam tak jaane ka rasta dikha diya.

Khamosh thi meri jubaan na jaane kab se ye maine bhi na jaana.
Mil kar usne mujhse alfaazo ko samajhna sikha diya.

Keh ke bhi apni baate jo keh na saka ye dil,
Usse faaslo ne iss dil ko wo kehne sikha diya.

Khuda hi jaane kya rista hai uske or mere darmiyaan,
Ho kar ajnabi bhi usne ehsaas apnepan ka dila diya.

 

 

Apna Bana Kar Dekh lo

Tumhari yaado mein to thodi bahut jagah bana hi li hai maine,

Apni raato ka har khwab bhi mere sang saja kar dekh lo.

Mana tumhari ye palke kisi or ke sajde jhukti hain,

Bas ek nazar mujhe dekhne ko inhe ek baar utha kar dekh lo.

Tere raaste mein khada hoon apni khushiyon ko bichhaye.

Meri har manjil ko apna mukaam bana kar dekh lo.

Yun kalpana ka ek chehra apne dil mein to har koi basa leta hai,

Mujhko tum ek baar bas haqiqat bana kar dekh lo.

Sikayat ka ek mauka bhi na dunga tumhe,

Ek baari mera pyar aajma kar dekh ko.

Bas itni si gujarish hai meri tumse,

Ek baar mujhko tum apna bana kar dekh lo.

Ek Baar Hann To kehde

Tere palko par har raato mein main khwabo ko saja dunga.

Teri har ek khwahish ko main haqiqat bana dunga.

Bas ek bar tu mujhko apna kar to dekh.

Ek baar haan keh kar to dekh.

Har raaste tere mai foolo ki khusboo se bhar dunga.

Har gam har muskilo ko tujhse main door hata dunga.

Bas ek baar meri nazro se nazre mila kar to dekh.

Ek baar haan keh kar to dekh.

Main ye to nahi kehta ki tere liye chand-sitare tod launga.

Kyonki ye mumkin hi nahi.

Par ye wada hai mera tujhse,

Ki Tere daman mein duniya bhar ki la kar khushiyan rakh dunga.

Meri chahat ko ek bar apna kar to dekh.

Ek baar haan to keh kar dekh.

Afsaane Badal Diye

Iss kadar khud ko bhul jaane ki kabhi khwahish to na thi,

Par tujhe dekha maine jabse maine apne saare iraade badal diye.

Tujhe teri manzilon tak pahunchane ki chahat mein,

Har ek maine apne raaste badal diye.

Tere khwabon ke khatir main raaton mein jaagta raha,

Jinme tu mujhe mil har unn sapno ke pichhe bhagta raha.

Tujhe sunne ke khatir to maine apne farmaan badal diye.

Koi ek bhi duaa teri adhuri na reh jaaye,

Iss chahat mein mapne apne saare armaan badal diye.

Ab bas ek tamanna hai iss dil ki tu mujhe mil jaaye,

Tu hi mera har kalma tu hi meri duniya ban jaaye.

Iss aarzoo mein maine khuda ke har paimaane badal diye.

Tere saath apni zindagi ki ek kahani likhne ke khatir,

Khud ke kitne afsaaane badal diye.

Mujhse Kya Khata Ho Gayi

Aisi bhi mujhse kya khata ho gayi.

Jo meri chahat mujhse juda ho gayi.

Lakh koshish ki usko manane ki maine,

Apne sabdo se samjhane ki maine.

Par wo sunti bhi kaise mere sabdo ko,

Jab meri awaaze mujhse kafa ho gayi.

Tut kar chaha maine usko apne dilo jaan se,

Par bereham wo to jaise bewafa ho gayi.

Meri aankhein jam gayi meri har saanse tham gayi.

Jab uski raah takte takte intehaan ho gayi.

Itni muskilon se to tu pass aaya hai mere.

Itni muskilon se to tu pass aaya hai mere.

Fir tune soch kaise liya ki main tujhko yun hi door jaane dunga.

Apni dil lagi ki intehaan tak chaha hai tujhko,

Fir kaise main tujhko apni chahat ko bhulane dunga.

Ho chahe kitni bhi muskile raaste mein teri,

Main kisi bhi dard ko kabhi tujh tak aane na dunga.

Ho shaqq agar mujh par to aajma kar dekh le,

Khud par se bharosa tera kabhi uthne na dunga.

Koshish bhi karega agar tu bhulaane ki mujhko,

Kahunga bhul ja tu apna sab kuch in panaho mein meri.

Par khud ko kabhi bhi tujhko main bhulane na dunga.

Har Baar Jo Chaha Maine

Har baar jo chaha maine wo haasil karta gaya.

Apne har khwabo ko haqiqat mein badalta gaya.

Afsos tha itna ki bas tu sath na tha mere,

Par fir bhi tere naks main apne aankhon mein gadta gaya.

Har wo lamha mera jinme tu mere pass na tha,

Bewajah ki bechaini or tanhai mein gujarta gaya.

Dard tha iss dil mein jisko tujhse dooriyon ne paida kiya,

Phir bhi tere liye main uss dard ko hans kar sehta gaya.

Yakeen to tha mujhko ki tu laut kar ek din aayigi,

Zindagi bhar sath nibhane ki mujh sang kasme khayegi.

Isi aarzoo ki moti ko har duao mein pirota gaya.

Isi chahat ki patthar se main apna Aashiyana sanjota gaya.

Tujhme Basti Ek Pyari Duniya Hai Meri

Mere labo par thehre hue har shabd tere hain.

Meri saanso mein ghule hue har nabz tere hain.

Meri zindagi ki kahaani ki har kadiyaan hain teri.

Tujhme basti ek pyari duniya hai meri.

Teri nazron mein mujhko mera aks nazar aata hai.

Jab sochun tere baare mein ye dil saham jaata hai.

Mere har lamhe har pal har ghadiyaan hai teri.

Tujhme basti ek pyari duniya hai meri.

Apni aashiqui ko lafzo mein bayaan kar na sakunga.

Tujhse door ab main ek pal bhi reh na sakunga.

Mere hisse ki har khwahishein har khushiyaan hai teri.

Tujhme basti ek pyari duniya hai meri.

Tu Apne Har Asko Ko Mere Palko Par Saja De

Tu apne har asko ko mere palko par saja de.

Har dard ko mere apni khushiyon se mita de.

Kar pyar mujhko itna ki main khud ko bhul jaaun,

Bechain dhadkano ko tu meri apne dil ne jagah de.

Meri rooh tere jism se milne ko bekarar hai.

Meri saanse tere khatir ab rukne ko taiyaar hain.

Meri mohabbat ko tu apne jeene ka zariya bana de.

Khwahishein apni saari mere chahto par luta de.

Kar bharosa ek baar tu mere pyar par ye yaara.

Meri zindagi se jud kar meri zindagaani bana de.

Tujhe Apna Banane Ko Jee Karta Hai

Tere hi sang jeene ko tere hi sang mar jaane ko jee karta hai.

Tujhe apni yaado mein ab sajane ko jee karta hai.

Jis pyar ko pane ke khatir main firta raha dar badar,

Wo pyar ab tujh par lutane ko jee karta hai.

Tujhe chaha hai maine apni chahat ke intehaan tak,

Ki ab iss chahat mein sab kuch bhulane ko jee karta hai.

Mujhe likhne ka sauk to na tha tujhse milne se pehle.

Par ab tujhko apne likhe kalme sunane ko jee karta hai.

Tere husn ne bana diya itna tera diwaana mujhe,

Bas teri aashiqui mein ab kuch bhi kar jaane ko jee karta hai.

Tujhe Kabhi Bhi Khud Se Bichhadne Na Dunga.

Tere palko par asko ko kabhi rukne na dunga.

Teri jehan me kisi gam ko ek pal ke liye bhi tikne na dunga.

Na tutega vishvaas tera meri chahat par se kabhi iss kadar chahunga tujhe,

Apni mohabbat mein teri nazro ko kabhi jhukne na dunga.

Har raaho par main hardam tera saaya ban chalunga.

Ki tujhe manzil se teri main kabhi bhatakne na dunga.

Muskile to hongi teri khwahishon ke raasto par,

Par bina mujhko chhuye un muskilo ko tujhse gujarne na dunga.

Ab chahe to khuda bhi dekh le tere mere bich ki rukaawat ban kar,

Rahunga main zindagi bhar tere sath teri chahat ban kar,

Ki teri saanso ko apne rooh, teri dhadkan ko apne dil se or tujhe kabhi bhi khud se bichhadne na dunga.

Teri Khushiyon Ke Khatir

Teri bato mein apni har khamoshi door hata doon.

Tu jo mil jaaye ek baari main sari duniya bhula doon.

Teri khwahishon ko pura karne ke khatir sayad jee raha hoon.

Tere upar to main apni sari chahte luta doon.

Apne dil mein chhipaye sare gile-sikwe mita doon.

Sare lamhe apni zindagi ke tere saaye mein bita doon.

Iss kadar tujhko chaha hai maine ye sanam,

Ki teri khushiyon ki ke liye apne sare khwabo ko jala doon.

Tum Jo Mile Mujhko

Tum jo mile mujhko jahaan mil gaya.

Khwabon ka mujhko jaise koi kaarwaan mil gaya.

Bin tumhare yun zameen par awaara fira karta tha,

Tum jo mile mujhko aasmaan mil gaya.

Tere bin har lamha bhi mujhko gunaah lagta hai,

Tere sang reh kar teri khushboo se bhara sama mil gaya.

Ab se pehle iss khuda ko maine kabhi dekha bhi na tha.

Tum jo mile mujhko khuda mil gaya.

Tum jo mile mujhko jahaan mil gaya.

Zibdagi Mein

Mujhe mil jaaye tu agar ek baar zibdagi mein.

Fir kyun karun main khuda ka intezaar zindagi mein.

Teri dhadkan main ban jaaun, tujhe apni saanso mein basa loon.

Iske siwa kuch or na ab chah zindagi mein.

Tu meri har khushi, tu meri bandagi, tu mera kuch paane ka khumaar zindagi mein.

Mere jeene ka sahaara teri aashiqui, teri mohabbat, tera ikraar zindagi mein.

Har kisi ko nahi milta yahan pyar zindagi mein.

Khusnasib hoon main ki mujhko mili ye bahaar zindagi mein.

Jee Raha Hoon Main

Uske lafzo ko apni baato mein saza kar jee raha hoon main.

Uski yaado mein har lamhe bita kar jee raha hoon main.

Main ne chaha use iss tarah ki main ise khud na samajh paya,

Uske khwabon mein apne sare sapne bhula kar jee raha hoon main.

Ek tamanna hai bas usko paane ki zindagi mein.

Jannat ko uske kadmo mein bichhane ki zindagi mein.

Har khwahishon mein uske apni khushiyaan bhula kar jee raha hoon main.

Uski chahat mein apni sari duniya bhula kar jee raha hoon main.

Ab Se usko Bhula Dunga

Aaj ek faisla kiya hai maine.

Ab se usko bhula dunga.

Jo-Jo baate ki hai maine uske saath,

Har wo baate apne yaadon se mita dunga.

Ab se usko bhula dunga.

Har waqt har mode par uska saath diya maine,

Uski har taklif ko apne sar mole liya maine.

Fir bhi wo mujhko apni berukhi dikhata raha,

Apni kuch baton se mera dil dukhata raha.

Uski har tasveer ko iss dil se hata dunga.

Ab se usko bhula dunga.

Ab se mere kisi lafz mein wo na hogi,

Ab usse mere kisi kaam ki suruaat na hogi.

Na hoga uska koi saya bhi mere saath mere raaston par,

Mere honthon par uske naam ki ab se darkaar na hogi.

Usse apna har naata main har rishta tod dunga.

Ab se usko bhula dunga.

Bina Ek Chehre Ke

Bina ek chehre ke meri har baat adhuri hai,

Rab se har mulakat adhuri hai.

Adhure hain mere sare lamhe uske bina,

Ki Mujhpe rehmat ki har ek barsaat adhuri hai.

Bina ek chehre ke.

Main sapne to saja loon bhale hi raaton mein akele,

Par bina ek chehre ke un sapno ki darkaar adhuri hai.

Main khud mein khwahishein to jaga loon kuch yaadon ke saye mein,

Par bina ek chehre ke un khwahishon ki fariyaad adhuri hai.

Bina ek chehre ke mere manzil ki har raah adhuri hai.

Meri tanha saanso ki har ek aah adhuri hai.

Abhi khali hai meri zindagi ke daastaan ke sare panne,

Bina ek chehre ke meri har mohabbat har chaah adhuri hai.

Bina ek chehre ke.

Ab To Tamanna Hai Bas Uske Baahon Mein Mar Jaane Ki

Khwahish to na thi kisi par iss kadar mit jaane ki,

Kisi ki khushiyon ke khatir apne armaano ko bhul jaane ki.

Par pehli nazar mein hi usne mujhko apna aashiq bana diya,

Ki ab to tamanna hai bas uske baahon mein mar jaane ki.

Dekhe bina usko ab main reh nahi sakta,

Bina uske main ek pal bhi ab jee nahi sakta.

Bhula diya khudko maine iss kadar aashiqui mein uske,

Ki ab to tamanna hai bas uske baahon mein mar jaane ki.

Har dua mein maine uski yaadein maangi hain,

Paane ki usko bas fariyafein maangi hain.

Ab aarzoo hai bas uski dil ki har dhadkan ban jaane ki,

Ki ab to tamanna hai bas uske baahon mein mar jaane ki.