Ye Pyara Sa Chehra

Ye pyara sa chehra.
Mushkurata sa chehra.
Chaand ki roshini sa jhilmilata sa chehra.

Kya noor hai isme.
Jaise koi hoor hai isme.
Sabko mad-hosh karata kuch to jarur hai isme.

Be-nazeer inaayat hai.
Khuda ki tujh par himaayat hai.
Kyun pal pal ye gir jaati hai,
Bas ek yahi palko se apni sikaayat hai.

Koi chaah kar bhi tujhse kabhi rooth na sake.
Koi khwaab tere aankhon se kabhi toot na sake.
Jud jaaye jiska haath tere haath se,
Umr saari gujar jaaye par wo chhut na sake.

Nikle duaa meri iss lab se to wo tere ask adhure ho.
Hai khwahish meri iss dil se,
Teri har mannat, Teri har chahat, Tere har armaan pure ho.

 

 

Ek Baar Hann To kehde

Tere palko par har raato mein main khwabo ko saja dunga.

Teri har ek khwahish ko main haqiqat bana dunga.

Bas ek bar tu mujhko apna kar to dekh.

Ek baar haan keh kar to dekh.

Har raaste tere mai foolo ki khusboo se bhar dunga.

Har gam har muskilo ko tujhse main door hata dunga.

Bas ek baar meri nazro se nazre mila kar to dekh.

Ek baar haan keh kar to dekh.

Main ye to nahi kehta ki tere liye chand-sitare tod launga.

Kyonki ye mumkin hi nahi.

Par ye wada hai mera tujhse,

Ki Tere daman mein duniya bhar ki la kar khushiyan rakh dunga.

Meri chahat ko ek bar apna kar to dekh.

Ek baar haan to keh kar dekh.

Har Baar Jo Chaha Maine

Har baar jo chaha maine wo haasil karta gaya.

Apne har khwabo ko haqiqat mein badalta gaya.

Afsos tha itna ki bas tu sath na tha mere,

Par fir bhi tere naks main apne aankhon mein gadta gaya.

Har wo lamha mera jinme tu mere pass na tha,

Bewajah ki bechaini or tanhai mein gujarta gaya.

Dard tha iss dil mein jisko tujhse dooriyon ne paida kiya,

Phir bhi tere liye main uss dard ko hans kar sehta gaya.

Yakeen to tha mujhko ki tu laut kar ek din aayigi,

Zindagi bhar sath nibhane ki mujh sang kasme khayegi.

Isi aarzoo ki moti ko har duao mein pirota gaya.

Isi chahat ki patthar se main apna Aashiyana sanjota gaya.

Ho Dil Mein Agar Sacchi Chahat

Ho dil mein agar sacchi chahat,

To wo chahat puri ho jaati hai.

Kisi adhure khwab ki gujarish dil se ki jaaye,

To uski har fariyaade sun li jaati hai.

Jab koi pasand aa jata hai hamari in nigaaho ko,

Khud-b-khud uski aahte hamari dhadkan ban jaati hai.

Har raaste uske kadmo ke saath chalte hain apne,

Uske armaano me apni saari manjile badal jaati hain.

Bas wo hi wo dikhta hai hamko har ghadi, har pal, har lamho me apne.

Or usko paane ki khwahish hamari zindagi ban jaati hai.

Ho dil mein agar sacchi chahat.

Teri Khushiyon Ke Khatir

Teri bato mein apni har khamoshi door hata doon.

Tu jo mil jaaye ek baari main sari duniya bhula doon.

Teri khwahishon ko pura karne ke khatir sayad jee raha hoon.

Tere upar to main apni sari chahte luta doon.

Apne dil mein chhipaye sare gile-sikwe mita doon.

Sare lamhe apni zindagi ke tere saaye mein bita doon.

Iss kadar tujhko chaha hai maine ye sanam,

Ki teri khushiyon ki ke liye apne sare khwabo ko jala doon.

Tum Jo Mile Mujhko

Tum jo mile mujhko jahaan mil gaya.

Khwabon ka mujhko jaise koi kaarwaan mil gaya.

Bin tumhare yun zameen par awaara fira karta tha,

Tum jo mile mujhko aasmaan mil gaya.

Tere bin har lamha bhi mujhko gunaah lagta hai,

Tere sang reh kar teri khushboo se bhara sama mil gaya.

Ab se pehle iss khuda ko maine kabhi dekha bhi na tha.

Tum jo mile mujhko khuda mil gaya.

Tum jo mile mujhko jahaan mil gaya.

Zibdagi Mein

Mujhe mil jaaye tu agar ek baar zibdagi mein.

Fir kyun karun main khuda ka intezaar zindagi mein.

Teri dhadkan main ban jaaun, tujhe apni saanso mein basa loon.

Iske siwa kuch or na ab chah zindagi mein.

Tu meri har khushi, tu meri bandagi, tu mera kuch paane ka khumaar zindagi mein.

Mere jeene ka sahaara teri aashiqui, teri mohabbat, tera ikraar zindagi mein.

Har kisi ko nahi milta yahan pyar zindagi mein.

Khusnasib hoon main ki mujhko mili ye bahaar zindagi mein.

Jee Raha Hoon Main

Uske lafzo ko apni baato mein saza kar jee raha hoon main.

Uski yaado mein har lamhe bita kar jee raha hoon main.

Main ne chaha use iss tarah ki main ise khud na samajh paya,

Uske khwabon mein apne sare sapne bhula kar jee raha hoon main.

Ek tamanna hai bas usko paane ki zindagi mein.

Jannat ko uske kadmo mein bichhane ki zindagi mein.

Har khwahishon mein uske apni khushiyaan bhula kar jee raha hoon main.

Uski chahat mein apni sari duniya bhula kar jee raha hoon main.

Meri Zindagi Mein Ab Tak Wo Aaya Nahi

Iss dil ne jiske khwab sajaye.

Jiski yaadon ke sang har lamhe bitaye.

Bina jiske maine koi sapna sajaya nahi.

Meri zindagi mein ab tak wo aaya nahi.

Jisko pane ki iss dil mein sada chahat hai meri.

Aarzoo hai jisko saanso mein basane ki meri.

Jiska naam apne dil ki dhadkano se kabhi mitaya nahi.

Meri zindagi mein ab tak wo aaya nahi.

Jiske saath ye zindagaani bitani ki sochi hai.

Jiski khwahishon par apni khushiyaan lutane ki sochi hai.

Jisne apni nazron ko ab tak mujhse milaya nahi.

Meri zindagi mein ab tak wo aaya nahi.

Jiske chehre se jyada kuch or ab mujhko pyara nahi.

Jiske bina jeena ek pal bhi ab mujhko gawaara nahi.

Meri zindagi mein abtak wo aaya nahi.

 

Meri Har Dua Mein tu

Meri chahat meri har wafa mein tu.

Meri mannat meri har dua mein tu.

Mere sabdo mein meri har raaton mein.

Mere sapne mere har jazbaaton mein.

Mere har kalme meri har baaton mein tu.

Meri fariyaad meri har dua mein tu.

Meri pyaas mein meri har aas mein.

Mere har kaam ki shuruaat mein.

Mere har lamhe mein har ghadi mein tu.

Meri khudaai meri har dua mein tu.

Meri aahon mein meri panaahon mein.

Meri dewaangi mein jafaao mein.

Meri fizaa meri har hawa mein tu.

Meri aarzoo mein har dua mein tu.

Tujhse Wada Raha Mera

Tujhse wada raha mera.

Apna har lamha tere pass bitaunga.

Har mod par tera sath nibhaunga.

Tujhse wada raha mera.

Har jakhmo ko tere khushiyon se bhar dunga.

Saare dukh dard tere door kar dunga.

Tujhse wada raha mera.

Tujhe raaston par akela kabhi chalne na dunga.

Teri manzil ko tujhse door kabhi hone na dunga.

Tujhse wada raha mera.

Jo chahega tu zindagi mein wo sab kuch tujhe la kar dunga.

Saari duniya ko main tere kadmo mein rakh dunga.

Tujhse wada raha mera.

Tu chahat hai meri har iltaja mein tu hai.

Tujhe chaha hai hamesha tujhe chahunga hardam.

Tujhse wada raha mera.

Wada raha ki har janam mein main tera hi rahunga.

Har janam mein main tujhi ko apna hamsafar banaaunga.

Tujhse wada raha mera.

Tujhse wada raha mera.

Ab Main Jeene Laga Hoon

Ab main jeene laga hoon.

Tu jabse iss zindagi mein mere.

Ab main jeene laga hoon.

Tere khwabon ke sang.

Teri yaadon ke sang.

Tujhse kiye har waadon ke sang.

Ab main jeene laga hoon.

Teri nigaahon mein.

Teri hawaaon mein.

Teri in gungunati si har adaao mein.

Ab main jeene laga hoon.

Teri palko ki chhon mein.

Teri mehekti fizaaon mein.

Teri julfon mein teri hi panaahon mein.

Ab main jeene laga hoon.

Teri chahat mein.

Teri aahat mein.

Tujhe ek din pane lene ki khwaahish mein.

Ab main jeene laga hoon.

Ab main jeene laga hoon.

Inteha Ho Gayi

Inteha ho gayi.

Mere honthon par khaamoshi ki.

Mere baaton mein madhoshi ki.

Inteha ho gayi.

Aankhon mein saram ki.

Chehre par ghabrahat ki.

Inteha ho gayi.

Bewajah mushkuraane ki.

Jakhmo ko chhipane ki.

Inteha ho gayi.

Kisi se nazrein milaane ki.

Usko dhadkan mein basane ki.

Inteha ho gayi.

Apni saanso ko behkaane ki.

Apni aahat ko samjhaane ki.

Inteha ho gayi.

Meri mannato mein teri chahat ki.

Meri dua mein bas teri khwahish ki.

Inteha ho gayi.

Mere sapno mein tere khwab ki.

Teri yaadon mein mere karwaton ki.

Inteha ho gayi.

Tujhe pane ki guzaarish ki.

Har baaton mein tujhe laane ki.

Inteha ho gayi.

Tere pyar ke aitbaar mein.

Tere aane ke intezaar mein.

Inteha ho gayi.

Bin Soche Samjhe Pyar Kar Baitha

Bin soche samjhe pyar kar baitha.

Nigahon mein ek tasveer basa kar.

Khayaalon mein apne kuch sapne saja kar.

Ek ajnabi par aitbaar kar baitha.

Bin soche samjhe pyar kar baitha.

Ye dhadkan dhadakane lagi kisi ke khatir.

Ye saanse behkne lagi kisi ke khatir.

Apni rooh ko jo kisi par nilaam kar baitha.

Bin soche samjhe pyar kar baitha.

Apna pyar apni mohabbat jisko mana maine.

Khud se bhi jyada jisko chaha maine.

Wo hi hame umr bhar ka jakham de baitha.

Kyonki main,

Bin soche samjhe pyar kar baitha.

Ab tanhaai mein apne din raat bitate hain.

Asko ki baarishon mein apne jajbaat bhigte hain.

Kyonki main to apni chahat par jaan nishaar kar baitha.

Bin soche samjhe pyar kar baitha.

Pyar Andha Hi Nahi Balki Behra, Gunga Or Langda Bhi Hota Hai

Pyar andha hi nahi balki behra, gunga or langda bhi hota hai.

Pyar andha kaise hota hai:

Pyar ke khatir kuch log galat raah pakad lete hain.

Jin par chal ker wo apni zindagi tabah kar lete hain.

Jo pyar aisi galtiyaan karwaye use andha nahi to or kya kahenge.

Pyar behra kaise hota hai:

Pyar mein pada insane sirf apne pyar ke alawa or kisi ki nahi sunta.

Ab bhale hi wo sahi ho ya galat.

Usko to bas ek hi awaaz sunai deti hai wo hai uske chahat ki.

Aise pyar ko behra na kaha jaye to kya kaha jaye.

Pyar gunga kaise hota hai:

Pyar ki baatein dil mein dab kar reh jati hain.

Jubaan taka ate-aate khamoshi mein badal jati hain.

Kehna chahe bhi to kuch keh nahi pate.

Pyar mein aisi halat ho jati hai.

Pyar langda kaise hota hai:

Ek baar pyar kisi ko ho jaye to uske alawa iss dil ko kuch or sujhta hi nahi hai.

Uska her waqt her lamha bas wahi par ruk jata hai.

Isiliye main kehta hoon ki pyar sirf andha hi nahi balki behra, gunga or langda bhi hota hai.

Isi baat ko ulte tarike se padhne ke liye iss link per click karein.

“Pyar andha hi nahi balki behra, gunga or langda bhi hotahai.”

 

Pyar Andha Hi Nahi Balki Behra, Gunga Or Langda Bhi Hota Hai.

Pyar andha hi nahi balki behra, gunga or langda bhi hota hai.

Pyar andha kaise hota hai:

Jab koi ladka kisi ladki ko buri nazar se dekhta hai,

Or jab uss ladki ka bhai uss ladki ki aankhein fodta hai.

Tab jo hota hai use andha pyar kehte hai.

Pyar behra kaise hota hai:

Ladkiyon ki aadat to hoti hi hai jyada baat karne ki,

Or jab ek bolne wali ladki ek ladke ke gale pad jaye,

To uske sunne ki sakti kamzor honi hi hai.

Pyar gunga kaise hota hai:

Ab jab itna bolne waali ladki se paala padega,

To kya wo ladke bolne ka mauka degi.

Use to aise hi gungo ki tarah uski baatein sunni padengi.

Pyar langda kaise hota hai:

Ab jab pyar kiya hai to ladki ke ghar walo ko to pata chalta hi hai.

Or jab pata chal jayega to ladke ke haath-paao to tutne hi hain.

Isiliye main kehta hoon ki pyar sirf andha hi nahi balki behra, gunga or langda bhi hota hai.

Isi baat ko sahi tadike se padhne ke liye iss link per click karein.

“Pyar andha hi nahi balki behra, gunga or langda bhi hotahai.”