Teri Chahat Rahe Mere Sang Hamesha

Teri yaade rahe mere sang hamesha,

Tere khwab rahe mere sang hamesha.

Main rahun na rahun iss jahaan mein,

Lekin teri chahat rahe mere sang hamesha.

Teri aankho mein mera chehra rahe,

Teri yaado mein mera her lamha thehra rahe.

Main rahun teri saanso mein her waqt,

Teri her saanso per bas mera pehra rahe.

Sapno ka samander tere khwab se ban gaya,

Yaado ka bawander tere lamho se ban gaya.

Maine to tujhe apni saanso mein basaya,

Main dilo ka sikander tujhe chah ker ban gaya.

Dekhun tujhe main khwabo se jyada,

Manu tujhe main mohabbat se jyada.

Meri zindagi to meri chahat hai,

Chahun tujhe main apni zindagi se jyada.