Share it on :

Monday 10 June 2013

Ek Baar Apni Awaaz Utha Kar Dekh

Ek baar awaaz utha kar dekh.

Apni tu awaaz utha kar dekh.
Har koi sunega teri.
Bas ek baar tu khud ko jaga kar dekh.
Ek baar tu apni awaaz utha kar dekh.

Bhale hi ye sach ho ki ye duniya bas paise ki sunti hai.
Daulat mein hi inki saari khushiyaan basti hai.
Par sabke andar ek achha insaan bhi hota hai.
Tu unke andar ka wo insaan jaga kar dekh.
Ek baar tu apni awaaz utha kar dekh.

Gajab nasha hai iss hawa mein.
Kuch ban kar dekh iss jahaan mein.
Har manzil tere pass hogi.
Khud mein thodi himmat to la kar dekh.
Ek baar tu apni awaaz utha kar dekh.

Achha lagta hai dil ko kuch alag karne mein.
Par fir bhi darr lagta hai kuch naya karne mein.
Iss jahaan bas tera hi tera naam hoga.
Apne kadmo ko aage badha kar to dekha.
Ek baar tu apni awaaz utha kar dekh.

Iss duniya mein har koi bas khud ke liya jeeta hai.
Wahin sabhi niyam tode jaate hain jahan har zuban par geeta hai.
Apne saare sapne to poore kar liye tune.
Kisi doosre ke liye kabhi kuch karke to dekh.
Ek baar tu apni awaaz utha kar dekh.
Ek baar tu apni awaaz utha kar dekh.

"Iss duniya kabhi bhi apna haqq bina maange nahi milta."






No comments:

Post a Comment

More Poem

For More Poem Please Click On "Older Post"