Meri Zindagi Mein Ab Tak Wo Aaya Nahi

Iss dil ne jiske khwab sajaye.

Jiski yaadon ke sang har lamhe bitaye.

Bina jiske maine koi sapna sajaya nahi.

Meri zindagi mein ab tak wo aaya nahi.

Jisko pane ki iss dil mein sada chahat hai meri.

Aarzoo hai jisko saanso mein basane ki meri.

Jiska naam apne dil ki dhadkano se kabhi mitaya nahi.

Meri zindagi mein ab tak wo aaya nahi.

Jiske saath ye zindagaani bitani ki sochi hai.

Jiski khwahishon par apni khushiyaan lutane ki sochi hai.

Jisne apni nazron ko ab tak mujhse milaya nahi.

Meri zindagi mein ab tak wo aaya nahi.

Jiske chehre se jyada kuch or ab mujhko pyara nahi.

Jiske bina jeena ek pal bhi ab mujhko gawaara nahi.

Meri zindagi mein abtak wo aaya nahi.